У падмаскоўнай Балашысе завяршыліся дзясятыя юбілейныя спаборніцтвы сіл спецыяльнага прызначэння войскаў Нацыянальнай гвардыі Расійскай Федэрацыі па вайсковым трыятлоне.
У спаборніцтвах удзельнічалі найлепшыя байцы ФСБ, МУС, ФС ВНГ і іншых сілавых ведамстваў Расіі, а таксама спецназаўцы з элітнага беларускага падраздзялення па барацьбе з тэрарызмам «Алмаз».
Спаборніцтвы па трыятлоне ўключаюць тры асноўныя дысцыпліны: пераадоленне паласы перашкод, агнявая падрыхтоўка і вышынная падрыхтоўка. Трыятлон спецыяльнага прызначэння — гэта, хутчэй, нават не спорт, а імітацыя рэальных баявых дзеянняў, да якіх павінен быць гатовы кожны спецназавец.
Таму выступаюць яны ў поўнай экіпіроўцы, якая важыць каля 30 кг: шлем, цяжкая бронекамізэлька, процігаз, радыёстанцыя, аптэчка, некалькі відаў зброі, ліхтары, гранаты, вада, насілкі і іншы тактычны рыштунак.
Для паспяховага фінішу тут адной фізічнай падрыхтоўкі недастаткова. Патрабуецца набор навыкаў і рэфлексаў, якімі валодаюць толькі супрацоўнікі, якія правялі папярэдні курс падрыхтоўкі. Па выніках двух этапаў журы ў чацвёрты раз запар прызнала пераможцам каманду СПБТ «Алмаз» МУС Беларусі, паведамляе партал TUT.BY.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве4
Каментары