Нацыянальны банк Украіны адмовіўся даць згоду на куплю кансорцыумам, у які ўвайшлі латвійскі Norvik Bank (акцыянер Рыгор Гусельнікаў) і кампанія, якая належыць сыну асноўнага ўладальніка кампаніі «РуссНефть» і групы «Сафмар» Саіду Гуцэрыеву, украінскай «дачкі» Сбербанка.
Падставай для адмовы ў прэс-службе рэгулятара РБК назвалі непрадастаўленне інвестарамі дакументаў, неабходных для ажыццяўлення праверкі на прадмет іх адпаведнасці патрабаванням заканадаўства Украіны.
Крыніца, знаёмая з сітуацыяй, паведаміла РБК, што падставай для адмовы стала недастатковасць уласных сродкаў пакупніка і непацверджаныя звесткі пра крыніцы іх паходжання.
У сярэдзіне сакавіка 2017 года прэзідэнт Украіны Пятро Парашэнка увёў санкцыі ў дачыненні да пяці ўкраінскіх банкаў з расійскім капіталам, у лік якіх патрапіла і «дачка» Сбербанка. Неўзабаве прэс-служба найбуйнейшага расійскага дзяржбанка абвясціла аб дамоўленасці па продажы 100% акцый украінскага ПАО «Сбербанк» кансорцыуму Гуцэрыева і Гусельнікава.
Беларускі бізнесмен Віктар Пракапеня, які ў канцы чэрвеня падаваў заяўку на куплю ўкраінскіх актываў Сбербанка, заявіў tut.by, што па-ранейшаму зацікаўлены ў дамоўленасці. «У дадзены момант чакаем рашэння рэгулятараў у дачыненні да нашай заяўкі», - сказаў ён.
Першым крокам павінна стаць купля Пракапенем Парытэтбанка, які знаходзіўся пад кантролем Кіраўніцтва справамі прэзідэнта Беларусі. 21 ліпеня Аляксандр Лукашэнка ўхваліў продаж банка. Аднак, як сказаў Віктар Пракапеня, здзелка па набыцці Парытэтбанка яшчэ не завершаная
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты27
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)77
Каментары