У аграгарадку Пухавічы 33-гадовая жанчына абакрала сваю знаёмую, калі тая прылегла адпачыць, паведамляе УУС Мінаблвыканкама.
Злачынства было ўчыненае ў лазні, куды зламысніца прыйшла па запрашэнні сяброўкі. Жанчыны не толькі мыліся, але і выпівалі ў коле іншых знаёмых.
Увечары гаспадыня дома пакінула кампанію і ў стане моцнага алкагольнага ап'янення заснула ў прылазніку. Гэтым скарысталася госця, зняўшы з яе шыі залаты ланцужок і крыжык з шыі, а таксама два пярсцёнкі з рукі на агульную суму 700 рублёў.
Ачомаўшыся, пацярпелая не адразу зразумела, куды зніклі яе каштоўнасці, таму заявіла аб прапажы ў міліцыю толькі праз некалькі дзён.
Аператыўнікі выявілі сярод удзельнікаў п'янай кампаніі падазраваную, аднак ювелірныя вырабы жанчына паспела збыць. Як мяркуецца, золата яна заклала ў адным са сталічных ламбардаў, а атрыманыя грошы выдаткавала на забавы.
Цяпер у дачыненні да падазраванай распачатая крымінальная справа па ч. 1 арт. 205 КК Беларусі («Крадзеж»). З улікам таго, што жанчына два месяцы таму вызвалілася з месцаў пазбаўлення волі, дзе адбывала пакаранне за крадзеж, ёй пагражае да 3 гадоў зняволеньня.
-
Мінчанка адпрасілася з працы, каб узяць два крэдыты і перадаць махлярам 50 тысяч даляраў
-
«Сямейка са Смаленска. Крычалі, што ім трэба ехаць». П'яны пасажыр пабіўся з ахоўнікамі мінскага метро
-
Скончыў жыццё самагубствам хлопец з Маладзечна, які перад вяселлем зрабіў сваёй нявесце татуіроўку, ад чаго яна памерла
Каментары