Археолагі выявілі ў Ізраілі родную вёску апосталаў Андрэя, Філіпа і Пятра
Археолагі выявілі на поўначы Ізраіля сляды, як мяркуецца, старажытнай рыбацкай вёскі Віфсаіды, якая ўзгадвалася ў Новым Запавеце і лічыцца радзімай апосталаў Філіпа, Андрэя Першазванага і Пятра, паведаміла выданне Haaretz.
Паводле звестак выдання, падчас раскопак на паўночным узбярэжжы Тыверыядскага возера (у Новым Запавеце — Галілейскага мора) у Эль-Араджы археолагі знайшлі рымскія купальні — гэта сведчыць пра тое, што некалі на гэтым месцы быў рымскі «поліс», паведаміў выданню доктар Мардэхай Авіям з каледжа Кінерэт.
Гісторыкі мяркуюць, што гэта быў горад Юліяда, які некалі з'явіўся на месцы біблейскай Віфсаіды. Так, гісторык Іосіф Флавій паведамляе, што Ірад Філіп, сын цара Ірада Вялікага, надаў Віфсаідзе статус горада і назваў Юліяда ў гонар Юліі Аўгусты, маці імператара Тыберыя.
«Іосіф піша, што манарх ператварыў Віфсаіду з вёскі ў поліс, сапраўдны горад. Ён не згадвае, ці быў горад пабудаваны на тым жа месцы, ці не. І на самай справе ўвесь гэты час мы не ведалі, дзе ён. Але купальні сведчаць пра існаванне гарадской культуры», — заявіў Авіям.
Акрамя гэтага, археолагі выявілі ў Эль-Араджы гліняныя чарапкі, мазаіку, дзве манеты. Адна з іх — з бронзы і датуецца познім II стагоддзем да нашай эры, а другая — срэбная, з выявай імператара Нерона (65-66 год нашай эры).
-
Расійская агентура выкарыстала нейрасетку Claude для крадзяжу і для ўплыву на выбары
-
Навукоўцы знайшлі шэсць загадкавых структур глыбока ў нетрах Зямлі
-
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю
Хто з палітвязняў выйшаў на свабоду 16 верасня ПОЎНЫ СПІС23
Каментары