У новым навучальным годзе ў школьных сталовых не будзе чыпсаў, вострых сухарыкаў, газіраваных напояў і натуральнай кавы. Піцы і смажанкі ў буфетах будуць прадаваць не часцей за два разы на тыдзень. А карміць школьнікаў каўбасой і сасіскамі рэкамендавана не часцей аднаго дня на тыдзень пры аднаразовым харчаванні. Мэта — сфарміраваць у дзяцей звычку да здаровага харчавання.
Такія нормы замацаваны ў метадычных рэкамендацыях па арганізацыі харчавання ва ўстановах адукацыі і апублікаваныя на сайце Міністэрства антыманапольнага рэгулявання і гандлю (МАРГ). Ведамства распрацавала іх сумесна з Мінадукацыі і Міністэрствам аховы здароўя.
Таксама ў буфетах абмяжуюць асартымент цукерак, шакаладных батончыкаў, карамелі, дражэ, печыва. Павінна быць не больш за два найменні кожнага віду названых вырабаў. З іншага боку, у асартыменце кафэ і сталовых ўстаноў адукацыі абавязкова павінны быць сокі, нектары з садавіны і агародніны, малочныя і кісламалочныя прадукты, гематаген, мармелад і зефір.
Пры гэтым у сталовых і кафэ для дзяцей і моладзі харчаванне можа быць арганізавана паводле сістэмы шведскага стала, а карміць дзяцей можна каўбасамі і варанымі сасіскамі вышэйшага і першага гатункаў і не больш за адзін раз на тыдзень пры аднаразовым прыёме ежы.
Ва ўстановах прафесійна-тэхнічнай, сярэдняй спецыяльнай і вышэйшай адукацыі, калі навучэнец купляе абед па меню, то ў яго нельга ўключаць аднайменныя стравы і гарніры на працягу двух дзён запар.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары