У выніку выбухаў на затопленым хімічным заводзе кампаніі Arkema за 30 кіламетраў ад затопленага Х'юстана ў паветра патрапілі хімічныя рэчывы. Пра гэта заявілі мясцовыя ўлады, піша ВBС.
Раней паведамлялася пра чорны дым, які ўзнімаецца над тэрыторыяй прадпрыемства.
Адзін з супрацоўнікаў паліцыі трапіў у бальніцу пасля ўдыхання таксічных пароў. Яшчэ дзевяць паліцэйскіх праходзяць медыцынскую праверку. У кампаніі Arkema мяркуюць, што недамаганне выкліканае «нетаксічным раздражняльнікам».
Жыхароў дамоў у радыусе 1,5-2 кіламетраў ад заводу эвакуявалі з-за рызыкі выбухаў і пажару.
Раней у кампаніі папярэджвалі, што завод рана ці позна выбухне ці загарыцца з-за затопленых генератараў.
Завод Arkema знаходзіцца за 34 кіламетры ад Х'юстана ў горадзе Кросбі, ён спыніў працу ў пятніцу, яшчэ да пачатку ўрагану.
Аднак з-за багатых ападкаў, якія прынёс ураган «Харві», яго тэрыторыю затапіла і электразабеспячэнне аказалася перапыненым, паведамілі ў кампаніі. Рэзервовыя генератары таксама затопленыя. У выніку сістэма астуджэння завода аказалася абясточанай.
Завод вырабляе арганічныя пераксіды, якія выкарыстоўваюцца ў розных сферах — ад фармацэўтычнай да будаўнічай. Пры высокіх тэмпературах яны могуць быць небяспечныя для здароўя.
Нацыянальная метэаралагічная служба ЗША панізіла статус урагану «Харві» да ніжэйшага — «трапічнай дэпрэсіі», аднак сіноптыкі працягваюць прагназаваць моцныя дажджы над усходнім Тэхасам і заходняй Луізіянай.
Раней кіраўнік кампаніі Arkema заяўляў, што патэнцыйны пажар наўрад ці перакінецца за тэрыторыю завода, аднак жыхары акругі Харыс у радыусе 2,4 км вакол завода былі эвакуяаваныя ў якасці меры засцярогі.
Аперацыя ў Х'юстане
У самім Х'юстане працягваецца выратавальная аперацыя — узводы пажарных прачэсваюць затопленыя кварталы ў пошуках тых, хто выжыў.
У аперацыі бяруць удзел 10 тысяч салдат Нацыянальнай гвардыі ЗША, яшчэ 14 тысяч, як чакаецца, неўзабаве прыбудуць у Х'юстан.
У выніку наступстваў урагану «Харві» ва ўсходнім Тэхасе загінулі 33 чалавекі, паведамілі прадстаўнікі мясцовай улады.
Многія раёны штата цалкам затопленыя. Затопленая і вялікая частка Х'юстана, чацвёртага па велічыні горада ў ЗША.
Больш за 32 тысячы чалавек жывуць у цэнтрах часовага размяшчэння.
Герой Беларусі Марына Васілеўская нарадзіла дачку ад касманаўта Алега Навіцкага16
Каментары