У нядзелю 3 верасня КНДР правяла самае магутнае ядзернае выпрабаванне ў сваёй гісторыі.
Дзяржаўнае інфармагенцтва Паўночнай Карэі паведаміла, што краіна распрацавала вадародную бомбу. Паводле звестак агенцтва ЦТАК, боегалоўку, гатовую да пагрузкі на міжкантынентальную ракету, агледзеў лідар КНДР Кім Чэн Ын.
У паведамленні агенцтва гаворыцца, што магутнасць боегалоўкі можа дасягаць соцень кілатон у трацілавым эквіваленце, а ўсе кампаненты для яе вытворчасці вырабляюцца ў КНДР, што дазволіць краіне стварыць столькі ядзернай зброі, колькі яна захоча.
Японскі тэлеканал NHK адзначае, што на тэрыторыі КНДР быў зафіксаваны землятрус магнітудай 5,6, што можа сведчыць пра падземнае ядзернае выпрабаванне.
Раней паўднёвакарэйская разведка прызнала, што ўлады КНДР завяршылі падрыхтоўку да правядзення ядзернага выпрабавання ў двух падземных тунэлях на палігоне Пунг-ры на паўночным усходзе краіны.
Ад 2006 года КНДР правяла пяць ядзерных выпрабаванняў: у 2006, 2009 г., 2013 гадах і два — у 2016 годзе. Пасля гэтага былі санкцыі Рады бяспекі ААН у дачыненні да Пхеньяна. У сакавіку бягучага года вайскоўцы Рэспублікі Карэя заявілі, што КНДР пачала падрыхтоўку выпрабаванняў ядзернай прылады новага тыпу.
Новыя выпрабаванні ўжо рашуча асудзілі Японія і Кітай.
Цяпер чытаюць
Пальчыс заклікаў не перапісваць гісторыю 2020 года: Не шукайце лжывых версій мінулага29
Пальчыс заклікаў не перапісваць гісторыю 2020 года: Не шукайце лжывых версій мінулага
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА66
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА6
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары