З мэтай процівагі прапагандзе расійскіх тэлеканалаў, у паўднёва-ўсходніх раёнах Літвы, дзе пражывае шмат палякаў, пачнуць трансляцыю польскіх тэлеканалаў, піша Delfi.lt
З лютага жыхары гарадоў і раёнаў Вільні, Шальчынінкая (Салечнікаў) і Швянчоніса (Свянцянаў) змогуць глядзець польскія тэлеканалы TVP Info, Kino Polska International, Kino Polska Muzyka International.
Палітолаг Марыус Антановіч назваў гэтае рашэнне крокам у правільным кірунку па пашырэнні альтэрнатывы СМІ Крамля. Аднак ён таксама выказаў сумненні ў сувязі з тым, што з інфармацыйных каналаў будуць трансляваць толькі тэлебачанне, якое цвёрда падтрымлівае кіраўніцтва Польшчы.
«Рэтрансляцыя польскага тэлебачання неабходная, паколькі часткі людзей дапамагае падтрымаць польскую культуру і з'яўляецца альтэрнатывай расійскай прадукцыі Крамля, папулярнай сярод палякаў Літвы. Аднак, я думаю, што трэба большая разнастайнасць, паколькі TVP Info цяпер моцна падтрымлівае ўладу і кіруючую партыю Польшчы», — сказаў Антановіч.
Каментары