Стваральнікі Linux забаранілі выкарыстоўваць яе ў Крыме
«Загружаючы ПЗ (праграмнае забеспячэнне) Fedora, вы пацвярджаеце, што ўсведамляеце наступнае: ПЗ Fedora і тэхнічная інфармацыя могуць рэгулявацца Правіламі экспартнага рэгулявання ЗША і іншымі законамі ЗША і іншых краін і не могуць пастаўляцца і перадавацца ў забароненыя ЗША краіны і дзяржавы, якія трапляюць пад санкцыі (на дадзены момант да іх належаць Куба, Іран, Паўночная Карэя, Судан, Сірыя і Крымскі рэгіён Украіны)», — гаворыцца на сайце праекта ў карыстальніцкім пагадненні.
Рашэнне Fedora Project забараніць выкарыстанне АС ў Крыме створыць складанасці распрацоўшчыкам, якія выкарыстоўваюць Fedora ў якасці галоўнай аперацыйнай сістэмы пры вытворчасці ўласных прадуктаў. Гэта можа прывесці да вялікіх стратаў для цэлых кампаній, а таксама вымусіць іх карыстацца пірацкімі версіямі (як бы смешна гэта ні гучала ў дачыненні да вольнага і бясплатнага праграмнага забеспячэння).
У папярэдняй версіі экспартнага пагаднення, якое абнаўлялася ажно ў лістападзе 2015 года, Крым не ўваходзіў у лік краін, куды былі забароненыя пастаўкі АС Fedora Linux.
Існуе шмат версій аперацыйных сістэм, заснаваных на Linux. Fedora з'явілася ў лістападзе 2003 года і стала адным з найбольш папулярных дыстрыбутываў Linux нароўні з Ubuntu, Debian, Knoppix, SUSE і іншымі. Fedora уяўляе сабой праграмнае забеспячэнне з адкрытым зыходным кодам. Гэта азначае, што любы карыстальнік можа спампаваць з сайта Fedora Project аперацыйную сістэму Fedoraі выкарыстоўваць яе па сваім меркаванні. Тым не менш, на вольнае праграмнае забеспячэнне і софт з адкрытым зыходным кодам ўсё ж нярэдка распаўсюджваюцца дзеянні «свабодных» і «адкрытых» ліцэнзій, якія ўсё ж дазваляюць ўсталёўваць мінімальныя патрабаванні да яго выкарыстання.
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе11
Каментары