Міліцыя: Мы праводзім праверку па факце фэйкавых паведамленняў ад імя Гомельскага УУС
Прэс-сакратар Міністэрства ўнутраных спраў Канстанцін Шалькевіч пракаментаваў «Нашай Ніве» з'яўленне фэйкавых паведамленняў ад імя Гомельскага УУС.
«Аператыўнікі міліцыі затрымалі трох расійскіх ваеннаслужбоўцаў за згвалтаванне непаўналетняй грамадзянкі Гомельскай вобласці», — так напісана на рэдагаваным скрыншоце.
У рэдакцыі беларускіх СМІ гэты скрыншот трапіў праз дзіўную ранішнюю рассылку на мэйл: тэкст у тым лісце багаты на граматычныя памылкі, але не ясна, ад чаго яны павінны адцягнуць увагу.
«Три русские монстры изнасиловали белорусскую девченку. Очень трудно подобрать слова которые передадут мерзось поступка русских солдатов в гомельской области. Совершили страшнейшее преступление. Как звери, дикари. Трех негодяев изнасиловало белорусскую девченку. Милиция заместила эту информацию на своем аккаунте на Твиттере, но они пытаются уже все затушевывать. Как можно было изнасиловать ребенка. Это страшно. Они изувечили человека», — вось вытрымка з рассылкі.
«Такіх падзей не было, гэтае паведамленне не адпавядае рэчаіснасці. Безумоўна, мы правядзем праверку з мэтай выясніць, хто гэтым займаецца і каму выгадна распаўсюджваць інфармацыю ад імя МУС», — сказаў Шалькевіч.
Цяпер чытаюць
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ5
Стала вядомае імя другой беларускі, якая згінула пад селем у Непале. Гэта 24‑гадовая Ірына з журфака БДУ
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну66
Каментары