Пра гэта паведамляе ГУУС Мінгарвыканкама.
У міліцыю звярнуўся мінчук. Ён распавёў, што з яго рахунку было зроблена некалькі спісанняў грашовых сродкаў, якія ён не рабіў.
Мужчына растлумачыў, што нядаўна забыўся сваю картачку на прылаўку аднаго з гандлёвых цэнтраў, аднак неўзабаве картку яму вярнуў адзін з наведвальнікаў крамы.
У ходзе аператыўна-вышуковых мерапрыемстваў аператыўнікі высветлілі асобу маладога чалавека, які скарыстаўся рэквізітамі карты для аплаты паслуг Uber. Затрыманы неаднаразова рабіў аплаты, прычыніўшы пацярпеламу ўрон на 100 рублёў.
У цяперашні час у дачыненні да фігуранта Савецкім (г.Мінска) РАСК заведзена крымінальная справа па ч.2 ст.212 ( «Крадзеж шляхам выкарыстання камп'ютарнай тэхнікі»). Санкцыя прадугледжвае адказнасць у выглядзе пазбаўлення волі на тэрмін да пяці гадоў.
Таксама ўстаноўлена, што гэта не адзінкавы выпадак аплаты паслуг сэрвісу падобным чынам.
Былога вайскоўца з Брэста, які вярнуўся з Польшчы, абвінавацілі ў «тэрарызме» і адправілі ў калонію6
Каментары