Кіраўнік каталонскай аўтаноміі Карлес Пучдэмон мае намер у бліжэйшы час абвясціць незалежнасць Каталоніі, калі іспанскі ўрад не прыме прапановы аб пасярэдніцтве, паведамляеDW.
«Мы адкрылі дзверы, мы сказалі «так» усім прадстаўленым нам магчымасцям аб пасярэдніцтве», — заявіў Пучдэмон у нядзелю ў інтэрв'ю мясцоваму тэлебачанню. «Дні ідуць, і калі іспанская дзяржава не будзе рэагаваць у пазітыўным ключы, мы зробім тое, дзеля чаго ўсё і адбывалася», — дадаў каталонскі палітык.
Каталонскі парламент ужо ў аўторак, 10 кастрычніка, можа абвясціць аб незалежнасці ад Іспаніі. Раней Канстытуцыйны суд у Мадрыдзе забараніў праводзіць пасяджэнне рэгіянальнага парламента, на якім планавалася абмяркоўваць вынікі рэферэндуму. Пучдэмон, тым не менш, плануе выступіць з прамовай, пры гэтым перанесці яе на аўторак.
Прэм'ер-міністр Іспаніі Мар'яна Рахой у пытаннях імкнення Каталоніі да незалежнасці на саступкі не ідзе. У нядзелю ён паўтарыў свае выказванні, што адмаўляецца «гандлявацца аб адзінстве краіны», а таксама што Мадрыд не будзе весці перамовы «пад пагрозамі».
Цяпер чытаюць
Пасля ўльтыматуму Зяленскага рэтранслятары адключылі? Апошнія дні расійскія беспілотнікі не накіроўваюцца ўздоўж беларуска-ўкраінскай мяжы18
Каментары