У менскім двары відавочца, з дазволу якога abw.by публікуе гэта фота, заўважыў аўтамабіль Porsche з сур'ёзнай, на першы погляд, паперай пад лабавой шыбай. Яна імітуе пропуск ад дзяржструктуры з наяўнасцю дзяржаўнага герба Беларусі, для большай пераканаўчасці прысутнічае некалькі штампаў накшталт «узгоднена». Пропуск нібыта дае права на «стаянку і праезд усюды». Толькі калі ўдумацца, то такога органа — «Прэзідыум Рэспублікі Беларусь» — у прыродзе не існуе. Затое як гучыць! Ды яшчэ кантрольна-рэвізійная ўправа пры ім!
Зрэшты, уладальнік Porsche не адзіны ўладальнік такога «дакумента». З розных абласцей Беларусі прыходзяць фота аўто з такімі ж важнымі «пропускамі».
Каментары