Пропуск праз тры аўтамабільныя пункты пропуску на поўначы акупаванага Крыма на мяжы з Украінай прыпынены, паведаміў у сераду «Інтэрфаксу» прадстаўнік пагранічнага ўпраўлення ФСБ Расіі па рэгіёне.
«Па тэхнічных прычынах з ночы спынены пропуск грамадзян», — сказаў суразмоўца агенцтва.
Іншыя падрабязнасці ён не паведаміў.
На мяжы Крыма з Украінай дзейнічаюць тры пункты пропуску: «Армянск», «Джанкой» і «Перакоп».
Раней паведамлялася, што напярэдадні вечарам і сёння пад раніцу ў Крыме былі пашкоджаныя два газаправоды. Акрамя таго, адбылося абвальванне апоры лініі электраперадачы. Улады не выключаюць, што гэта была дыверсія.
Цяпер чытаюць
ЗША паведамілі, што вызваленне палітвязняў у Беларусі «адкладзенае на некаторы час»14
Каментары