Сцэны з удзелам акцёра Кевіна Спэйсі выражуць з ужо знятага фільма «Усе грошы свету» і пераздымуць з іншым акцёрам, піша Бі-бі-сі.
Спэйсі, які апынуўся ў цэнтры гучнага сэкс-скандалу, заменіць канадскі акцёр Крыстафер Пламер.
«Усе грошы свету» — новы фільм рэжысёра Рыдлі Скота аб выкраданні ўнука нафтавага магната Джона Пола Геці, ролю якога сыграў Спэйсі.
Паводле інфармацыі часопіса Variety, з удзелам Спэйсі было знята шмат матэрыялу. У большасці са знятых сцэн Спэйсі знаходзіцца ў кадры адзін, без іншых акцёраў, піша часопіс, але для пераздымак астатніх спатрэбіцца ўдзел іншых зорак фільма, Марка Уолберга і Мішэль Уільямс.
Дата выхаду фільма на экраны не пераносіцца — карціна павінна выйсці 22 снежня.
Крыстафер Пламер, які заменіць Спэйсі ў фільме, сыграў першую ролю ў кіно ў 1958 годзе. Пламер вядомы па галоўнай ролі ў фільме 2009 года «Імажынарыум доктара Парнаса», ролях у фільмах «Гукі музыкі», «12 малпаў» і «Дзяўчына з татуіроўкай дракона».
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары