Кітайцы абвясцілі аб распрацоўцы электрамагнітнай катапульты ФОТА
Прадпрыемствы кітайскага вайскова-прамысловага комплексу распрацавалі электрамагнітную катапульту — прыладу, з дапамогай якое з авіяносцаў будуць запускацца знішчальнікі, перадае China Daily. Такім чынам, Кітай стаў другой пасля ЗША краінай свету, якая мае на ўзбраенні карабель з электрамагнітнай катапультай.
Электрамагнітная катапульта ўяўляе сабой прыладу, у якой воз разганяецца з дапамогай электрамагнітных сіл. Воз — металічная канструкцыя, якая рухаецца па накіроўваючых, зачэпліваецца за пярэднюю стойку шасі самалёта і разганяе яго. Пры гэтым катапульта спажывае шмат энергіі і мае патрэбу ў магутнай і надзейнай крыніцы сілкавання.
Да пераваг электрамагнітнай катапульты распрацоўшчыкі адносяць малы займаны прыладай аб'ём, што дазваляе вызваліць дадатковае месца на караблі. Акрамя таго, магутнасць электрамагнітнай катапульты можна рэгуляваць, што важна пры запуску з аднаго і таго ж карабля лёгкіх і цяжкіх самалётаў.
Даўжыня кітайскай катапульты складае каля 120 метраў пры даўжыні электрамагнітных накіроўваючых каля ста метраў. Дакладнае месца размяшчэння комплексу не раскрываецца. Электрамагнітнай катапультай плануецца абсталяваць перспектыўны кітайскі атамны авіяносец, распрацоўка якога таксама вядзецца.
Цяпер чытаюць
«Запускайце далей салюты, а я выклічу міліцыю». Беларусы спрачаюцца пра забарону на феерверкі14
Каментары