Працягваецца кампанія збору грошай на сезон вечарынаў Дударскага клуба.
Дударскі клуб — творчае нефармальнае аб’яднанне беларускіх майстроў, якія робяць дуды, музыкаў, якія на іх граюць, а таксама ўсіх, хто гэтым майстрам і музыкам спачувае.
Дуда — гэта традыцыйны, як позняе ўключэнне ацяплення, беларускі музычны інструмент. Соль зямлі. Нацыянальны сімвал, нашы гонар і годнасць. Наша ўсё.
Ад гукаў дуды вырастаюць надоі і гінуць мікробы, уздымаецца баявы дух і плачуць малыя дзеці. Цуд, адным словам.
Дуда на працягу стагоддзяў была і застаецца самым міфалагізаваным традыцыйным інструментам беларусаў (даўніх ліцвінаў).
У сярэдзіне ХХ ст. дуда была амаль што страчаная. Толькі дзякуючы намаганням неабыякавых даследнікаў, майстроў і музыкаў з канца 1980-х у Беларусі пашыраецца рух па вяртанні і адраджэнні беларускай дуды.
Вечарыны «Дударскага клуба» — гэта сяброўская атмасфера, дух старадаўняй карчмы, жывая народная і сярэднявечная музыка ад найлепшых дудароў краіны, танцы, спевы і шмат весялосці.
З дапамогаю краўдфандынгавай кампаніі ў гэтым сезоне плануюць арганізаваць музычна-танцавальныя вечарыны з вольным уваходам!
Які плён ад такіх вечарынаў?
На вечарыны прыходзяць майстры і дасведчаныя музыкі, якія рэпрэзентуюць тутэйшую музычную культуру. Маладыя музыкі могуць выступіць на сцэне і атрымаць досвед. Кожны наведнік можа пазнаёміцца з традыцыйнымі і сярэднявечнымі танцамі, а таксама паўдзельнічаць у іх.
Вольны ўваход дазволіць пашырыць аўдыторыю, уцягнуць у дударскі і танцавальны рух новых людзей.
Падрабязнае апісанне праекта можна пачытаць на старонцы платформы «Талака».
Дударскі клуб у сацыяльных сетках:
https://www.facebook.com/dudarskiklub
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння77
Каментары