Чатыры чалавекі атрымалі траўмы ў лабавым сутыкненні двух легкавікоў на Століншчыне. Пра гэта паведамілі ў ДАІ УУС Брэсцкага аблвыканкама, піша Тut.by.
Аварыя адбылася 27 снежня, каля 10.10. Паводле папярэдняй інфармацыі, 27-гадовы кіроўца Audi 100 ехаў па трасе Столін — Струга — Альманы. На закругленні дарогі направа ён не справіўся з кіраваннем, выехаў на паласу сустрэчнага руху і сутыкнуўся з «Рэно», якім кіравала 40-гадовая жанчына.
У выніку ДТЗ 23-гадовая пасажырка Audi, а таксама кіроўца і два пасажыры «Рэно» — 62-гадовы мужчына і 63-гадовая жанчына — атрымалі траўмы рознай ступені цяжкасці і былі шпіталізаваныя
«Некаторым людзям варта зняць ружовыя акуляры». Лявончык — пра Мельнікаву, уцечку ў «Байхэлп», белыя паліто і грошы на 1300 палітвязняў10
Каментары