Толькі ў снежні 2017 года спажывецкія цэны ў Венесуэле выраслі на 85%, узровень гадавой інфляцыі склаў 2616%, заявіў на прэс-канферэнцыі ў Нацыянальнай асамблеі Венесуэлы кіраўнік камісіі па фінансах і эканамічнаму развіццю Рафаэль Гусман.
Прадстаўнік апазіцыйнай прэзідэнту Нікаласу Мадура кааліцыі Mesa de la Unidad Democrática (MUD) заявіў, што ў 2017 годзе Венесуэла стала адзінай у свеце краінай, дзе была зафіксавана гіперінфляцыя.
«Толькі 85-працэнтная інфляцыя ў снежні больш, чым інфляцыя ва ўсіх астатніх краінах Лацінскай Амерыкі разам узятых. Прычынай раскручвання спіралі гіперінфляцыі стала тое, што ЦБ працягвае друкаваць грошы для фінансавання ўрада», - заявіў Гусман.
Каментары