Падчас сённяшняй 15-кіламетровай гонкі ў нямецкім Рупольдзінгу Надзея Скардзіна фінішавала сёмай, адстраляўшыся без памылак. Але гэтага аказалася дастаткова, каб утрымаць першае месца агульнага заліку пасля яе перамогі ў гонцы ў шведскім Эстэрсундзе, і беларуска ўпершыню ў кар'еры здабыла малы Крышталёвы глобус.
Скардзіна мае 96 балаў па выніках абодвух спаборніцтваў. Гэта на 5 балаў болей, чым у найбліжэйшай суперніцы — Юліі Джымы з Украіны. Джыма сёння ў Рупольдзінгу была чацвертай і не здолела апярэдзіць прадстаўніцу нашай краіны.
Шостае месца ў сённяшняй гонцы здабыла Дар'я Домрачава. Ірына Крыўко фінішавала адзінаццатай.
Каментары