Каманда прэзідэнта Беларусі перамагла ветэранаў хакея Швейцарыі з лікам 11:4 (4:1, 3:2, 4:1) у матчы, які прайшоў на лёдзе «Чыжоўка-Арэны», піша Белта.
![](http://nashaniva.com/img/w732d4webp1/photos/z_2018_02/lukashenko-2-omtfm.jpg.webp)
Падчас гульні на лёдзе часта адначасова аказваліся Аляксандр і Коля Лукашэнкі. Яны дапамаглі беларускай камандзе ў сярэдзіне першага перыяду рэалізаваць большасць. З іх перадачы шайбу закінуў Павел Белы.
Да перапынку хакейная каманда прэзідэнта Беларусі яшчэ тройчы адзначылася дакладнымі кідкамі. Аўтарамі галоў сталі Аляксей Цітавец і Генадзь Савілаў. Падчас чацвёртага ўзяцця варот швейцарцаў Андрэю Асташэвічу, які ўдала дзейнічаў на пятачку каля брамы апанентаў, зноў асісціравалі Коля і Аляксандр Лукашэнка.
![](http://nashaniva.com/img/w732d4webp1/photos/z_2018_02/lukashenko-a-k-4-02-2018-1-wv2dd.jpg.webp)
![](http://nashaniva.com/img/w732d4webp1/photos/z_2018_02/lukashenko-a-k-4-02-2018-2-1a31o.jpg.webp)
Швейцарцы, якімі кіраваў славуты савецкі хакеіст, двухразовы алімпійскі чэмпіён Аляксандр Якушаў, пастараліся дапускаць менш памылак у абароне і крыху скарацілі адставанне ў ліку. Аднак у заключныя 20 хвілін гульні беларуская каманда яшчэ чатыры разы засмуціла супернікаў. Аўтарам адной з шайбаў стаў Мікалай Лукашэнка. Трэцюю дзейсную перадачу ў матчы запісаў у свой актыў Аляксандр Лукашэнка. У выніку беларусы перамаглі з лікам 11:4.
Каментары