26-гадовы хлопец, які падазраецца ў здзяйсненні нападаў на жанчын з нажом, затрыманы 3 лютага каля другой гадзіны ночы аператыўнымі супрацоўнікамі ГУУС Мінгарвыканкама, паведамляе прэс-служба сталічнай міліцыі.
Мужчына нападаў на жанчын у мікрараёне Серабранка. Пагражаючы нажом, спрабаваў згвалціць ахвяру, а таксама забраць яе рэчы. У студзені ў лясным масіве на вуліцы Якубава была згвалтаваная 18-гадовая дзяўчына, а ў дачыненні да яшчэ дзвюх жанчын спробы нападу не былі даведзены да канца: перашкодзілі людзі, што праходзілі міма.
Падазраваны быў затрыманы на вуліцы Малініна. У маладога чалавека быў знойдзены кухонны нож.
Знаходзячыся ў раённым упраўленні, малады чалавек прызнаўся ў злачынстве і раскаяўся. Супрацоўнікам міліцыі ён патлумачыў, што здзяйсняў злачынствы дзеля сэксуальнага задавальнення і матэрыяльнага ўзбагачэння. Для таго, каб увесці супрацоўнікаў міліцыі ў зман, зламыснік пераапранаўся ў розную вопратку, а бачныя татуіроўкі хаваў пад адзеннем.
Затрыманаму 26 гадоў, раней ён прыцягваўся да крымінальнай адказнасці за ўхіленне ад вайсковай службы, афіцыйна нідзе працаўладкаваны не быў, часам падпрацоўваў на аўтамыйцы.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары