Беларусь уключылі ў топ-20 краін з самымі зручнымі электроннымі дзяржпаслугамі
Беларусь апынулася ў 20-цы дзяржаў з самымі зручнымі электроннымі дзяржпаслугамі. Да такога меркавання прыйшлі аналітыкі кампаніі Artezio, якія даследавалі дзяржаўныя анлайн-сервісы ў розных дзяржавах. Паводле вынікаў даследавання, Беларусь размясцілася на 18-й пазіцыі рэйтынгу, піша Tut.by.
Аналітыкі, ацэньваючы зручнасць дзяржаўных інтэрнэт-сервісаў, улічвалі некалькі параметраў: наяўнасць адзінай кропкі ўваходу — партала, магчымасць атрымання паслуг анлайн, наколькі зручна шукаць інфармацыю, а таксама глядзелі, наколькі лёгка ці складана прайсці аўтэнтыфікацыю. «Дадаткова ацэньвалася перспектыўнасць маштабавання сервісаў з улікам развіцця тэхналогій», — адзначаюць складальнікі рэйтынгу.
Эксперты прагназуюць, што са з'яўленнем у беларусаў біяметрычных пашпартоў «пытанне з ідэнтыфікацыяй будзе цалкам вырашанае».
У першую пяцёрку краін з самымі зручнымі электроннымі дзяржпаслугамі ўвайшлі Вялікабрытанія, Аўстралія, Рэспубліка Карэя, Сінгапур і Фінляндыя.
Нашы суседзі размясціліся ў рэйтынгу вышэй: Расія — на 11-м месцы, Украіна — на 15-м.
***
На тэлеграм-канал «Нашай Нівы» можна падпісацца тут.
Цяпер чытаюць
Адзін з загінулых сёння вайскоўцаў — 26‑гадовы мінчук Кірыл. Што пра яго вядома1
Каментары