Супрацоўнікі галоўнага ўпраўлення па барацьбе з арганізаванай злачыннасцю і карупцыяй МУС Рэспублікі Беларусь выявілі злачынную схему закупак медтэхнікі за бюджэтныя сродкі. Сума шкоды ідзе на мільёны рублёў, паведамляе сайт МУС.
Аператыўна-вышуковыя мерапрыемствы праводзіліся ў рамках праверкі інфармацыі аб хабарніцтве і злоўжываннях у сістэме аховы здароўя. Выяўлена, што арганізатарамі крымінальнай схемы з'яўляюцца жыхары г. Мінска. Шляхам падмены таварасуправаджальных дакументаў зламыснікі павялічвалі кошт медтэхнікі замежнай вытворчасці і праз падкантрольныя кампаніі (зарэгістраваны ў Беларусі, Эстоніі і Вялікабрытаніі) ажыццяўлялі іх пастаўку для медустаноў нашай краіны.
Кошт абсталявання завышаўся ў 2—3 разы, а ў некаторых выпадках — да 14 разоў. Толькі ў выніку выканання аднаго кантракта на пастаўку медтэхнікі коштам 7 млн еўра для анкадыспансера ў 2014 годзе на сваіх пасрэдніцкіх паслугах яны зарабілі 4 млн еўра.
Галоўным следчым упраўленнем Следчага камітэта Рэспублікі Беларусь па матэрыялах ГУБАЗіК у дачыненні да ўдзельнікаў арганізаванай групы заведзеная крымінальная справа па ч. 4 арт. 209 КК Рэспублікі Беларусь (Махлярства). Аператыўнікі ГУБАЗіК затрымалі 12 арганізатараў і ўдзельнікаў махінацый з бюджэтнымі сродкамі.
У ходзе ператрусаў канфіскаваныя буйныя сумы замежнай валюты, транспартныя сродкі прэміум-класа, накладзены арышт на нерухомую маёмасць (кватэры, катэджы). Удзельнікамі злачыннай групы ў лік пагашэння нанесенай шкоды дзяржаве ўжо кампенсавана сума ў паўтара мільёна еўра.
Чытайце таксама: Расследаванне: як беларусы пераплачваюць тысячы даляраў за бясплатныя аперацыі ў дзяржаўных клініках
Пратасевіч зноў жэніцца — цяпер з таролагам Настассяй, якая працавала ў элітным медцэнтры «Мерсі»40
Каментары