Мікалай Статкевіч паведаміў, што яго здзівіла новая заяўка паплечнікаў па святканні стагоддзя БНР.
«Чатыры арганізацыі з 13 пайшлі на неўзгодненыя з аргкамітэтам дзеянні. Раней мы абмяркоўвалі нашы планы, прынялі агульнае рашэнне. Таму мы здзіўленыя такімі паводзінамі. Мяркую, што гэта не нармальна.
Да таго мы з цяжкасцю знайшлі адзінства — і гэта якраз нармальна. Некаторыя ўзбудзіліся наконт стрыму — добра, што стрымаў не было 100 гадоў таму, бо многія інакш бы ставіліся да бацькоў заснавальнікаў БНР, — распавёў Мікалай Статкевіч. —
Падазрэнні закрадваюцца, што адмова нашай заяўцы была пасля нейкіх сустрэч — хтосьці намякнуў, маўляў, адкіньце гэтую, мы новую падамо.
Мы бачым як улада баіцца шэсцяў, любой нагоды, каб людзі сабраліся разам. У сталіцы больш-менш спакойна, у рэгіёнах сацыяльная напружанасць расце. Таму ўлада не хоча, каб людзі збіраліся на вуліцах, канцэрт лічыць больш бяспечнай формай.
Я разумею маладых людзей, якія выраслі пры гэтай уладзе, якія прывыклі, што Лукашэнка існуе ад іх нараджэння. Яны прыстасоўваюцца да сістэмы. Калі сярод іх знаходзяцца тыя, хто хоча штосьці рабіць — малайцы.
Але існуе палітычная апазіцыя, якая мусіць пастаянна біць у званы, нагадваць, што ў краіне ненармальная сітуацыя, больш нідзе ў Еўропе такога няма. Гэта абавязак апазіцыі. І гэта важна непасрэдна зараз».
Чаму шэсце мусіць быць, Статкевіч падрабязна растлумачыў у сваім фэйсбуку:
«Калі ў гадавіну жорсткага падаўлення народнага выступу за свае правы мы будзем толькі слухаць музыку і танчыць у загародцы за рамкамі, то мы дыскрэдытуем сябе ў вачах тых людзей, якія пайшлі за намі год таму».
Але калі ўлада дзейнічае супольна з часткай апазіцыі — гэта ўжо добра, адзначыў Статкевіч.
«Улада намагаецца ўпіхнуць нам канцэрт у цэнтры горада — гэта дасягненне! Але гэта вынік нашай шматгадовай працы, акцыяў, шэсцяў, мітынгаў. Таму хай канцэрт будзе нашым падарункам афіцыйнай апазіцыі. А мы (камітэт па святкаванні) падумаем, што рабіць далей» — паведаміў ён.
Каментары