«Некалькі словаў у абарону Хартыі і Парка высокіх тэхналогій», — такі артыкул на чарнасоценскім сайце «Тэлескоп» змясціў адзін з лідараў кампаніі «Гавары праўду» Сяргей Вазняк. «Тэлескоп», за якім стаяць русафілы, як Леў Крыштаповіч і Кірыл Авер’янаў-Мінскі, друкуе матэрыялы па гісторыі Беларусі з расійскай пазіцыі.
Шмат крытыкуецца Кастусь Каліноўскі, БНР. Пры гэтым актыўна прапагандуецца вобраз Мураўёва-вешальніка. Рэкламуюцца кнігі кшталту «Несвядомай гісторыі Беларусі».
Чаму Вазняк вырашыў публікавацца на гэтым сайце? «Я падзяляю меркаванне, што сайт чарнасоценскі. Аднак альбо мы дэмакраты, альбо не. Альбо мы за свабоду слова, альбо не», — кажа Вазняк. Ён не агучваў, праз каго супрацоўнічае з «Тэлескопам».
Ганарары? «Не, я не ведаю, што гэта такое», — адказаў Вазняк.
«Я лічу не важным, дзе ты публікуешся. Важна — што ты кажаш. І пад кожным радком, што я там напісаў, гатовы падпісацца», — кажа палітык.
Ці не лічыць ён, што сваімі публікацыямі раскручвае такія неадназначныя сайты? «Яны за тое, што Крым рускі, а я паспрабую іншае меркаванне напісаць. Пагляджу, ці апублікуюць. Калі мяне будуць цэнзураваць, тады спыню супрацоўніцтва. У мяне няма такіх комплексаў, я хадзіў і на дзяржаўнае тэлебачанне, і гэта не значыць, што я яго люблю і раскручваю. Выкарыстоўваю любыя пляцоўкі для прасоўвання сваіх поглядаў. Мяне хвалюе, што я кажу, а не тое, дзе я кажу», — расказвае Вазняк.
«Я вельмі шмат з чым нязгодны на «Тэлескопе». Напрыклад, з тым, што піша мой прыяцель па партыі [»Справядлівы свет» — «НН»] Мікалай Петрушэнка. Я з ім спрачаўся шмат, у нас супрацьлеглыя пазіцыі па Крыме, па расійска-ўкраінскім канфлікце», — сказаў адзін з лідараў «Гавары праўду».
Раней на «Тэлескопе» сталі публікавацца намеснік старшыні «Справядлівага свету» Валерый Ухналёў, эканаміст-ліберал Яраслаў Раманчук.
-
Хэдлайнерам канцэрта ў Мінску ў Дзень Перамогі стане Алег Газманаў
-
Палітвязня Уладзіміра Кнігу трэці раз будуць судзіць за «злоснае непадпарадкаванне» ў калоніі
-
Севярынец: Мы не павінны быць ружовымі поні і казаць, што мы будзем гладзіць па галаве тых самых кадэбістаў альбо спецназаўцаў, якія б’юць людзей
Цяпер чытаюць
«Калі пасадзяць зноў, то пасяджу». Пачобут пра сваё вызваленне, камеры смяротнікаў, бітву за гонар у судзе і жаданне вярнуцца10
Каментары