Тэатр3232

Няўжо беларускі такія тупыя? Складваецца ўражанне, што ў Моладзевым тэатры эстрады мяркуюць так

Наведалі пастаноўку «Пра што маўчаць жанчыны» і маем што сказаць.

Фота estrada.by.

Я даўно хацела схадзіць на спектакль «Пра што маўчаць жанчыны». Усё ж, назва інтрыгуе. Ды і ў апісанні абяцалі, што «вы абавязкова даведаецеся пра ўсе дзявочыя сакрэты».

Ці ж не цуд? Адзін вечар — і ты спецыяліст у жаночай псіхалогіі. Гэткая суперсіла, на думку стваральнікаў пастаноўкі, асабліва мусіла прывабіць супрацьлеглы пол. Аднак прыйшлі на шоу збольшага дзяўчаты.

Драматургія пастаноўкі «Пра што маўчаць жанчыны» пабудавана на тэатральных сцэнках.

Тры галоўныя гераіні, на думку сцэнарыста, ілюструюць асноўныя тыпажы жанчын. Праўда, інтарэсамі Воля, Наташа і Маша амаль не розняцца. Падчас іх прадстаўлення-візітоўкі высвятляецца, што яны любяць выпіць (ды так, каб танцаваць на стале), а галоўнае іх хобі — пляткарства. Адрозніваюцца яны найперш ростам і вагой — гэта падкрэсліваецца неаднаразова. Над іх «нестандартнымі» памерамі і гіпертрафіраванай нязграбнасцю пастаянна смяюцца гледачы.

Фота estrada.by.

Вытанчаныя танцоркі з балета тэатра «Fusion» з іх нумарамі з’яўляюцца на сцэне прыгожым фонам. У міні-спадніцах і ласінах яны выдатна абслугоўваюць нумары мужчын-салістаў, змагаюцца за іх увагу і палююць на невялікую колькасць «самцоў» у зале.

Гэта выклікае безумоўнае ўхваленне («Нішто так не ўпрыгожвае жанчыну, як мужчына», — кажа вядоўца шоу са сцэны). Пры гэтым мужчына лёгка можа сказаць «Фу!» любой, што прытулілася да яго, бо ён — гаспадар і леў, мае права.

Фота estrada.by.

На сцэне вымалёўваюцца два тыпы жанчын: прыгожыя і «так сабе». І першыя, і другія толькі і робяць, што абмяркоўваюць мужчын і думаюць, як бы ажаніць іх з сабой.

Музычным афармленнем гэтай барацьбы за месца ў шлюбе становіцца песня «Глюкозы» «Нявеста». Памятаеце радкі з яе? «Я буду вместо, вместо, вместо неё, твоя невеста, честно, честная, ё»… Пад гэты хіт дзяўчаты ледзьве не разрываюць адна адну, каб займець кавалак торта ў выглядзе партнёра. Чымсьці нагадвае фінальную сцэну новага кліпа «Ленінграда» з Галыгіным, дзе беларускія спявачкі і актрысы накідваюцца на Анатоля Ярмоленку.

Многія крытыкавалі кліп, па-першае, за тое, як ён падае Беларусь: быдлаватай і п’янай. Па-другое, як прыніжае паняцце адносін. Робіць высокае і рамантычнае каханне нізкім і жывёльным. Але калі ў Шнура гэта робіцца без абагульненняў, то ў спектаклі аўтары адразу заяўляюць: вось, усе жанчыны такія.

Якія гэтыя жанчыны яшчэ? Павёрнутыя на сукенках. На новых дыетах і памеры сваіх цыцак.

Якія могуць траціць грошы мужа, але ніяк не зарабляць. Якія не ўмеюць кіраваць машынай («У мяне чырвоная сумачка і чырвоны шалік. Як я магу ехаць на зялёны?» — задаецца пытаннем адна з актрыс). Якія не ўмеюць засцерагацца падчас сэксу і безадказна ставяцца да цяжарнасці, бо не ведаюць ад каго і як чарговы раз «заляцелі». З галоўнай марай «шмат есці і не папраўляцца».

Фота estrada.by.

Усе гэтыя стэрэатыпныя сцэнкі разбаўляюць прадстаўнікі беларускай эстрады: Аляксей Хлястоў, Вольга Плотнікава, Іскуі Абалян, Іна Афанасьева… Яны таксама ўключаюцца ў гульню. Так, Плотнікава ўпэўнена заяўляе, што толькі новыя сукенкі могуць зрабіць наша жыццё яркім і жадае ўсім іх як мага больш.

Людзі смяюцца з гэтых прамоў, пагаджаюцца, «канспектуюць» на камеру найлепшыя цытаты. Можна сказаць: ну, выдатна, што ж можа быць лепш за здольнасць пасмяяцца над сабой? Але гэта толькі адзін бок медаля. Адна з задач мастацтва — вучыць. А якая навука ў гэтым спектаклі — пытанне спрэчнае.

Працягваць быць дурніцай, бо толькі так можна вытрымаць канкурэнцыю? Працягваць абыходзіцца з жанчынай, як з рэччу, бо яны западаюць толькі на моцных і ўладных?

Калі, паўтаруся, арганізатары пафасна заяўляюць, што ведаюць і паказваюць усё, пра што маўчаць жанчыны, то яны бяруць на сябе вялікую адказнасць, нават калі яна падаецца пад соусам пошлага гумару.

Сваімі «па» гэты спектакль толькі множыць дурныя стэрэатыпы, як у галовах мужчын, так і жанчын. І нават дзецях, якія таксама, хоць і хутка стаміліся ад відовішча, былі ў зале.

Фота estrada.by.

Ад усіх гэтых жартаў патыхае нафталінам.

Замест таго каб высмейваць нешта злабадзённае і актуальнае (чаму б, напрыклад, не пасмяяцца з падліку галасоў на выбарах у мясцовыя саветы дэпутатаў ці не закрануць тэму цюльпанавай істэрыі, раз дэманструеце спектакль 9 сакавіка?), жартуюць па аднойчы кімсьці прыдуманым клішэ. А, у прынцыпе, навошта старацца? Людзі смяюцца і з гэтага, сцэнар пракатвае ў соты раз. Грошы зарабляюцца і без нейкіх інтэлектуальных высілкаў.

Каментары32

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

Памёр 87‑гадовы турэцкі мільярдэр, уласнік мінскай Crowne Plaza. Але грошай не пакінуў ні жонцы-беларусцы, ні чатыром дзецям62

Стваральніца Belaruskicry упершыню пасля доўгай паўзы расказала, што цяпер з брэндам пасля прызнання яго экстрэмісцкім1

З цягніка зблізку знялі на відэа разбураную частку Крымскага моста8

У цэнтры Мінска на мосце 21‑гадовы перакуліўся на BMW. Момант трапіў на відэа2

Правакацыя з вялікай колькасцю ахвяр і абвінавачваннем Украіны. Стала вядома, якую правакацыю рыхтавалі на польска-расійскай мяжы7

Амерыканка пабіла рэкорд беларускі па кручэнні ў паветры на ўласных валасах

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць