Еўракамісія вырашыла забяспечыць грамадзянам доступ да бясплатнага інтэрнэту на ўсёй тэрыторыі ЕС, а таксама ў Нарвегіі і Ісландыі, паведамляе euronews.com. На першым этапе перадатчыкамі wifi-сігналу будуць абсталяваны плошчы, паркі і іншыя грамадскія месцы ў 1000 населеных пунктаў, кожны з якіх зможа атрымаць на гэта з бюджэту Еўрасаюза 15.000 еўра.
«Мы не будзем дубляваць ужо існуючыя службы і цягнуць інтэрнэт туды, дзе ён ужо ёсць, — сказала камісар па лічбавай эканоміцы Марыя Габрыэль. — Але мы хочам падлучыць да яго ўсю Еўропу, ад чаго выйграе кожны рэгіён і кожны грамадзянін».
На ажыццяўленне праграмы «Адзіная сетка для Еўропы» за два гады з агульнага бюджэту будзе выдзелена 120 млн еўра. Яе галоўныя задачы — абарона інтарэсаў спажыўцоў, заахвочванне самаадукацыі і грамадскай актыўнасці. Мясцовыя ўлады, якія хутка пададуць заяўку на фінансаванне ў рамках гэтай праграмы, змогуць усталяваць wifi-перадатчыкі ўжо ў маі. З гэтай прапановай Брусель мае намер звярнуцца да іх яшчэ 4 разы да 2020 года.
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ23
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Каментары