За здымак сцяга каля помніка Караткевічу ў Оршы актывіста аштрафавалі на 540 рублёў
Жыхара Барані Генадзя Шэпелева ў аўторак запрасілі ў міліцыю «на 5 хвілін, для ўдакладнення». Але з міліцыі адвезьлі ў суд, дзе за некалькі хвілін прысудзілі штраф 539 рублёў. Так аршанскія ўлады адрэагавалі на тое, што ён у Дзень Волі ўсталяваў бел-чырвона-белы сцяг побач з помнікам Уладзіміру Караткевічу і сфатаграфаваў гэта, піша Радыё Свабода.
Генадзь Шэпелеў кажа, што супрацоўніца аршанскай міліцыі Лілія Трушко паклікала яго ў міліцыю праз тэлефон. Ён пагадзіўся, бо ведаў, што супраць яго распачатая адміністрацыйная справа за фатаздымак: у Дзень Волі ён усталяваў бел-чырвона-белы сьцяг побач з помнікам Уладзімеру Караткевічу ў аршанскім парку і сфатаграфаваў гэта.
Штраф памерам 22 базавыя велічыні актывіст атрымаў паводле артыкула 23.34 КаАП за нібыта незаконную масавую акцыю. Хоць, паводле яго, нават сведкам-міліцыянтам не было чаго сказаць, апрача таго, што фатаграфаванне працягвалася 5 хвілін і што ў радыусе 150 мэтраў ад помніка ў парку не было ніводнага мінака.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары