Клуб НХЛ «Чыкага Блэкхокс» ў матчы супраць «Вініпег Джэтс» страціў усіх сваіх брамнікаў. Але на дапамогу клубу прыйшоў 36-гадовы бухгалтар Скот Фостар (Scott Foster), які раней ніколі не гуляў на прафесійным узроўні, паведамляе Tjournal.
Фостар прыбыў на арэну ў якасці гульца для «экстранай замены». Галоўны варатар каманды Коры Кроўфард (Corey Crawford) знаходзіўся ў лазарэце з канца снежня, а галкіпер Антон Форсберг (Anton Forsberg) падчас размінкі пацягнуў пахвіну. Акрамя Фостара, у «Чыкага» заставаўся 23-гадовы брамнік Колін Дэліа (Collin Delia), таксама ніколі не гуляў за асноўную каманду (яго запрасілі з рэзервовага фарм-клуба).
Але ў трэцім перыядзе за 14 хвілін да фінальнай сірэны пры ліку 6:2 на карысць «Чыкага» Дэліа таксама атрымаў траўму і не змог працягнуць гульню. Надышла зорная гадзіна Фостэра: ён адбіў сем кідкоў і стаў першай зоркай дня НХЛ, захаваўшы вароты каманды ў недатыкальнасці да канца паядынку. А фанаты «Чыкага» ў канцы матча пачалі скандаваць яго прозвішча.
Фостар падпісаў аднадзённы кантракт з клубам непасрэдна перад матчам рэгулярнага чэмпіянату НХЛ супраць «Вініпегу». Да гэтага з 2002 па 2006 год ён выступаў у аматарскай студэнцкай лізе NCAA, пасля чаго завяршыў кар'еру. Мужчына ўваходзіць у групу варатароў-аматараў, якіх могуць прыцягнуць у якасці «экстранай замены» для хатніх гульняў каманды.
У НХЛ ужо доўгія гады існуюць практыкі выкліку варатароў-аматараў для «экстранай замены». У адпаведнасці з рэгламентам лігі, у заяўцы на матч абавязкова павінны быць два галкіпера, адзін з якіх у поўнай экіпіроўцы знаходзіцца на лаўцы запасных. Але выпадкі выхаду на лёд аматараў адзінкавыя і яны, як правіла, адбываюцца за секунды да канца паядынку.
Акрамя таго, гульня «Чыкага» з «Вініпег» стала першым выпадкам з 1987 года і трэцім — з 1944 года, калі ў адным матчы за адну каманду дэбютавалі адразу два брамнікі (Дэліа і Фостар).
Цяпер чытаюць
Загінуў беларускі добраахвотнік Васіль «Дзір» Рапіцкі11
Каментары