Па дадзеных следства, у лютым 2014 года паміж брыгадамі вальшчыкаў лесу з Беларусі, якія знаходзіліся на заробках на тэрыторыі Маскоўскай вобласці, адбыўся жорсткі канфлікт.
«Увечары 23 лютага 2014 года, знаходзячыся ў стане алкагольнага ап'янення, чацвёра мужчын адной брыгады збілі траіх знаёмых з другой брыгады. У выніку нанясення множных удараў рукамі, нагамі, драўлянай бітай, крэслам і іншымі прадметамі двое пацярпелых памерлі на месцы здарэння», — паведамляе Следчы камітэт.
Трэці пацярпелы выжыў.
Двое з нападнікаў былі затрыманыя на наступны дзень пасля забойства. Абодва атрымалі ў Расіі тэрміны каля 18 гадоў.
Двое іншых мужчын схаваліся ад паліцыі і вярнуліся ў Беларусь.
Адзін з іх быў забіты ў жніўні 2016 года ў Талачынскім раёне.
Апошні фігурант, жыхар Сенненскага раёна, быў затрыманы ўвосень 2017 года. Яго змясцілі пад варту, прад’явілі абвінавачванні ў забойстве. Цяпер матэрыялы справы перадалі ў суд. Мужчыну пагражае найвышэйшая мера пакарання — расстрэл.
Спявак Дзмітрый Калдун паказаў сваю мінскую кватэру недалёка ад Драздоў ШМАТ ФОТА16
Каментары