Якімі пошукавікамі карыстаюцца ў свеце і ў Беларусі: цікавая статыстыка
Раней мы высветлілі, якія браўзэры і аперацыйныя сістэмы з’яўляюцца найбольш папулярнымі. Гэтым разам мы параўналі размеркаванне рынку пошукавікаў у свеце і ў Беларусі, і вось, якія вынікі атрымаліся.
Зборам статыстыкі пра карыстальнікаў інтэрнэту займаюцца розныя кампаніі. Адна з найбольш аўтарытэтных — ірландская StatCounter, дадзеныя якой мы і выкарыстоўваем у нашых артыкулах.
У свеце
У 2006 годзе ў Оксфардскім слоўніку англійскай мовы з’явілася новае слова — дзеяслоў «гугліць» («to google»). Прычынай гэтага стала надзвычайная папулярнасць пошукавай сістэмы Google ў англамоўным свеце. І па сёння у сваёй галіне кампанія з’яўляецца бадай што сусветным манапалістам.
Невялікай папулярнасцю карыстаецца пошукавая сістэма Bing ад Microsoft, якая ўсталяваная ў якасці пошукавіка па змаўчанні на камп’ютарах пад кіраўніцтвам Windows, а таксама Yahoo!, доля якой пакрысе падае.
Цікава, што на радзіме Google, у ЗША, яго папулярнасць крыху меншая, чым у свеце — 87% супраць 91%.
Пранікненне пошукавай сістэмы расійскага «Яндэксу» на сусветны рынак зараз знаходзіцца на ўзроўні 0,68%. Аднак сітуацыя ў Беларусі зусім іншая.
У Беларусі
«Яндэкс» найбольш папулярны ў Расіі, Беларусі, Казахстане, а таксама Турцыі. Так, доля гэтага пошукавіка ў Расіі складае больш за 53%, перавышаючы нават долю Google. У Беларусі ж лічбы іншыя.
Як бачна, расійскімі сэрвісамі «Яндэкс» і «Мэйл.ру» карыстаецца акурат траціна беларусаў. Вось, як выглядае карціна змагання за лідарства ў нашай краіне пошукавікаў «Яндэкс» і «Google» у дынаміцы:
Як відаць з графіка, пасля пяцігадовага зніжэння папулярнасці, пошукавая сістэма «Яндэкс» аднавіла свой рост у пачатку 2017 года. Але гэта наўрад ці азначае, што Google можа саступіць расійскай кампаніі лідарства на рынку Беларусі: сэрвісы Google з’яўляюцца стандартнымі для аперацыйнае сістэмы Android, пад кіраўніцтвам якой працуе 83% смартфонаў у нашай краіне, а таксама для браўзэра Chrome, якім карыстаюцца 50% беларусаў.
Чытайце таксама:
Якімі аперацыйнымі сістэмамі карыстаецца ўвесь свет і Беларусь: статыстыка
Якія браўзэры зараз самыя папулярныя ў свеце і ў Беларусі: перавагі, недахопы і крыху гісторыі
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары