Акцёр Верн Троер, найбольш вядомы па ролі Міні-Мі ў двух фільмах пра Осціна Паўэрса, памёр ва ўзросце 49 гадоў. Пра гэта паведамляе The Guardian.
Дакладная прычына смерці пакуль не называецца, але ў пачатку красавіка Троер трапіў у бальніцу. Як адзначае выданне, гэта звязана з яго барацьбой з алкагалізмам.
Акцёр сыграў у карцінах «Осцін Паўэрс: Шпіён, які мяне спакусіў» і «Осцін Паўэрс: Голдмембер».
Роля клона Доктара Зло прынесла яму сусветную вядомасць.
Акрамя таго, Троер увасобіў вобраз гобліна Крукахвата з банка Грынгатс у фільме «Гары Потэр і філасофскі камень».
Ён таксама з'яўляўся ў серыяле «Сабрына — маленькая вядзьмарка» і фільме «Ваабражарыум доктара Парнаса».
Рост Троера складаў 80 сантыметраў.
-
«Скончыце ўжо гэту бойню». Рэжысёр Звягінцаў атрымаў Гран-пры Канскага фестывалю і звярнуўся са сцэны да Пуціна
-
«Спачатку жанчыны»: у гэтым фільме жанчыны кіруюць светам, а мужчыны вучацца быць спакуслівымі, каб зрабіць кар’еру
-
«Мінатаўр» Андрэя Звягінцава — антываенная драма, якую стоячы віталі ў Канах

Каментары