У дачыненні да 63-гадовага кіраўніка адной з дзіцяча-юнацкіх спартыўных школ у Мінскім раёне распачата крымінальная справа. Мужчыну падазраюць у тым, што ён пяць гадоў атрымліваў зарплату за фіктыўна працаўладкаванага чалавека, паведамляе ГУУС Мінгарвыканкама.
У кастрычніку 2013 ён фіктыўна ўладкаваў да сябе сына свайго знаёмага на пасаду слесара-рамонтніка.
Пры гэтым службовыя абавязкі той не выконваў, заработную плату не атрымліваў, сваю банкаўскую карту перадаў дырэктару. У сваю чаргу, яму налічаўся працоўны стаж.
Цяпер ужо экс-дырэктара абвінавацілі ў крадзяжы больш за 13 тысяч рублёў. Мужчына прызнаў віну цалкам, яго ўжо знялі з пасады. Распачата крымінальная справа.
Імаверна, што ў гэтай школе быў фіктыўна працаўладкаваны яшчэ не адзін чалавек, таксама высвятляюцца сумы выкрадзеных грошай.
Каментары