Грамадства1111

Гродзенскі блогер Міша, якога пасадзілі за махлярства з данатамі, пасля вызвалення разам з каханай зноў збірае данаты

Не паспелі скончыцца і трэція суткі, як 18‑гадовы блогер Міхаіл Драгун выйшаў на свабоду, а пара ўжо зноў просіць данаты. Гэтым разам збіраюць сабе на вяселле — але і тут ёсць хітрыкі. 

Яўгенія Тарасенка і Міхаіл Драгун. Фота з яе інстаграма

38‑гадовая блогерка Яўгенія Тарасенка распавяла падпісчыкам, што яна з Міхаілам ужо паспела збегаць у ЗАГС і падаць дакументы, каб пабрацца шлюбам.

Кажа, што яны даўно хацелі распісацца, але не паспелі гэта зрабіць да затрымання (дарэчы, на той момант Міхаілу было ўсяго 17 гадоў): «Чалавек правяраецца часам, і наша расстанне турмой згуртавала нас яшчэ больш. Я чарговы раз на ўчорашняе пытанне Мішы: «Ты станеш маёй жонкай?» — я сказала: ТАК!». 

Але ж Яўгенія скардзіцца, што грошай на свята ў іх няма. Маўляў, вяселле было іх марай, адкладаць роспіс яны не збіраюцца: «У нас няма магчымасці набыць пярсцёнкі, нават вясельнай сукенкі ў мяне няма… Я ўжо маўчу пра сціплае святкаванне ў коле блізкіх, якое ёсць базай…»

Таму пара заклікае павіншаваць іх данатамі і пералічыць грошы на нумар МТС — маўляў, дабрачынцам усё вернецца бумерангам.

Але ж насамрэч нумар, які апублікавала Яўгенія, фігуруе ў тэрміновым зборы на лекаванне Дарыны Янушэўскай з Гродна — у маленькай дзяўчынкі рак левага вока.

Што сапраўды Міхаіл ды Яўгенія думаюць рабіць з вяселлем — невядома. Але ж адна цырымонія ў іх ужо была.

Летась пара распавядала ў сваіх інстаграмах пра незямное каханне — цяпер тыя старонкі ці то выдаленыя, ці то заблакаваныя, але, як кажуць, інтэрнэт усё памятае.

Міхаіл пісаў, што ўпершыню пацалаваў каханую ў ліпені 2024 года, а роўна праз год зрабіў прапанову рукі і сэрца. Па яго словах, у жніўні 2025 года яны афіцыйна сталі мужам і жонкай.

Фота з таго самага фэйкавага вяселля

Былі і прыгожыя фотаздымкі: «жаніх» і «нявеста» былі ў белым, дэманстравалі пярсцёнкі.

Але ж, як высветлілася, усё гэта было пастаноўкай. Фэйк выкрыўся пасля затрымання пары — у афіцыйных зводках блогераў называлі проста сужыцелямі.

Каментары11

  • Стрыжак
    09.09.2026
    А так можна было?
  • Белорусский мир
    09.09.2026
    Чё ты гонишь мусор шнягу не по делу?
    Чё ты паришь мне про нары и конвой?
    Чё мазуришь ты на понт, я не товарка,
    И пугаешь, падла, бабу Колымой?

    Что в комментах, что в жизни
  • Зато красивые
    09.09.2026
    Детки красивые будуць Краматорск спасёт этат мир, но не точна

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць