Так выглядае абутак, зроблены з сабраных на вуліцы і перапрацаваных жавальных гумак
У мэтах барацьбы з адкідамі ў Амстэрдаме арганізацыя Iamsterdam, дызайнер адзення Explicit Wear і кампанія Gumdrop вырашылі аб'яднацца і стварыць абутак, зроблены з перапрацаваных жуек, якія збіраюцца на гарадскіх тратуарах. Пра гэта піша выданне The Verge.
Штогод на тратуарах Амстэрдама з'яўляецца каля 1,5 мільёна кілаграмаў выкарыстанае жавальнае гумкі, якую робяць з сінтэтычнага каўчуку, што не паддаецца біялагічнаму раскладанню.
Сабраныя з вуліц жавальныя гумкі перапрацоўваюцца ў чысты каўчук, з якога робяцца дробныя гранулы для падэшвы красовак Gumshoe. З аднаго кілаграма сабраных жуек выходзіць чатыры пары абутку.
Праз некаторы час стваральнікі красовак плануюць дадаць платную паслугу па замене падэшвы, каб кліентам не трэба было купляць новы абутак, калі стары стаптаўся.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна10
Каментары