Пенсіянерцы з Мінска прысудзілі калонію па двух палітычных артыкулах. Яе затрымалі за Гаюна
Таццяну Стасеву затрымалі яшчэ ў маі 2025 года.
Таццяне Стасевай 59 гадоў. Яна мінчанка. У 1983 годзе скончыла школу №123, а пасля паступіла ў Мінскі радыётэхнічны інстытут (цяпер БДУІР), які скончыла ў 1988-м. У Таццяны ёсць дарослыя дачка і сын.
Спадарыня Таццяна любіць бавіць час на лецішчы, займацца агародам і хадзіць у грыбы ды ягады. Таксама падарожнічае па Беларусі.
Спакойнае жыццё мінчанкі перапынілася 21 мая 2025 года, калі яе затрымалі і змясцілі ў СІЗА. Па звестках праваабаронцаў, крымінальны пераслед пенсіянеркі звязаны са справай праекта «Беларускі Гаюн».
Таццяну судзілі ў Мінскім гарадскім судзе па двух артыкулах Крымінальнага кодэкса: ч. 3 арт. 361 КК (заклікі да санкцыяў і іншых дзеянняў, накіраваных на прычынне шкоды Беларусі) і ч. 1 арт. 361‑4 КК (садзейнічанне экстрэмісцкай дзейнасці).
Па гэтых артыкулах ёй маглі прысудзіць толькі калонію. Нядаўна прысуд уступіў у сілу.
«Наша Нiва» — бастыён беларушчыны
ПАДТРЫМАЦЬЦяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары