Афіцыйнае адкрыццё 63-га конкурсу «Еўрабачанне» адбудзецца 6 мая ў сталіцы Партугаліі. Першы паўфінал пройдзе 8 мая, другі — 10-га, а фінал конкурсу прызначаны на 12-е.
Падчас цырымоніі адкрыцця ўдзельнікі пройдуць па сіняй дарожцы. Арганізатары змянілі яе колер з традыцыйнага чырвонага праз сёлетні дэвіз «Усе на борт!».
The #ESC2018 Blue Carpet is ready to host our 43 Delegations tomorrow. Here's an exclusive sneak peek of what it's going to look like. #AllAboard pic.twitter.com/rlWHeGUv8O
Для ўрачыстасці абралі Музей мастацтваў, архітэктуры і тэхналогій. Гэта сучасны будынак, што месціцца на набярэжнай гістарычнага раёна Белен. З даху музея, які адкрыты для гасцей, можна назіраць цудоўныя краявіды Лісабона і ракі Тэжу.
У гэтыя дні ў сталіцу Партугаліі прыехалі 43 удзельнікі «Еўрабачання», сярод іх — Alekseev, які будзе прадстаўляць Беларусь з песняй «Forever». Ён выступіць у першым паўфінале пад нумарам 8. Акрамя яго, у гэты дзень нумары пакажуць прадстаўнікі 18 іншых краін.
Цяпер чытаюць
З псіхбальніцы збег былы начальнік Ганцавіцкай міліцыі13
Каментары