Трамп прапануе Пуціну бізнэс-здзелкі з ЗША да завяршэння вайны з Украінай
Эканамічныя праекты да заканчэння вайны цяпер магчымыя, бо яны прадэманстравалі б сур'ёзнасць намераў ЗША па «перазагрузцы» адносін з Масквой
ЗША прапанавалі Расіі заключыць бізнэс-здзелкі не чакаючы заканчэння вайны ва Украіне, тады як раней пазіцыя Вашынгтона была процілеглай і прадугледжвала аднаўленне эканамічных сувязяў толькі ў якасці «ўзнагароды» за спыненне ваенных дзеянняў. Пра гэта піша The New York Times са спасылкай на дасведчаныя крыніцы.
Па словах амерыканскага чыноўніка, які гаварыў з газетай, эканамічныя праекты да заканчэння вайны цяпер магчымыя, бо яны прадэманстравалі б сур'ёзнасць намераў ЗША па «перазагрузцы» адносін з Масквой.
Прадстаўнік адміністрацыі ЗША растлумачыў, што Вашынгтон хоча стварыць дадатковыя стымулы, якія падахвочваюць расійскія эліты дамагацца міру. Дасягненне дзелавых пагадненняў да завяршэння вайны магло б дапамагчы пераканаць настроеных антыамерыканскіх «ястрабаў» з атачэння прэзідэнта Уладзіміра Пуціна ў тым, што прэзідэнт ЗША сапраўды імкнецца выбудаваць новыя адносіны з Расіяй, адзначыў чыноўнік. Каманда Трампа, імаверна, змяніла курс у пошуку новых ідэй для спынення вайны пасля таго, як перамовы аб магчымым вывадзе ўкраінскіх войскаў з часткі Данбаса, якая застаецца пад кантролем Кіева, зайшлі ў тупік, адзначае NYT.
Прэзідэнт ЗША называў эканамічны патэнцыял Расіі «велізарным», але раней пазіцыянаваў заключэнне бізнэс-угодаў як узнагароду Маскве за мірнае ўрэгуляванне.
«Яны хочуць весці бізнэс. Але яны не будуць весці бізнэс, пакуль мы не ўрэгулюем вайну», — заяўляў Трамп перад сваёй сустрэчай з Пуціным на Алясцы летась.
Усё паказвае на тое, што ЗША «разглядаюць магчымасць больш буйных саступак Расіі», мяркуе экс-дыпламат ЕС у Кіеве, які цяпер працуе ў агенцтве палітааналізу R. Politik, Балаш Ярабік.
З ягоных слоў, Вашынгтон цяпер дэманструе, што некаторыя пагадненні могуць прасунуцца наперад, калі Масква праявіць стрыманасць ва Украіне. «Раней Вашынгтон адмаўляўся падпісваць такія пагадненні да ўстанаўлення рэжыму спынення агню», — адзначыў ён.
Незразумела, якія менавіта ўгоды абмяркоўваюцца паміж РФ і ЗША. Памочнік прэзідэнта Расіі Юрый Ушакоў пасля сустрэчы Пуціна са спецпасланнікамі Трампа Стывам Уіткафам і Джарэдам Кушнерам заяўляў, што падрабязна абмяркоўвалася эканамічная тэматыка і магчымыя буйныя ўзаемавыгадныя расійска-амерыканскія праекты», піша Moscow Times.
Цяпер чытаюць
Герой Беларусі Марына Васілеўская нарадзіла дачку ад касманаўта Алега Навіцкага36
Каментары