Генеральны пракурор штата Нью-Ёрк Эрык Шнайдэрман сышоў у адстаўку, пасля таго як у часопісе The New Yorker выйшаў артыкул, дзе чатыры жанчыны абвінавацілі яго ў збіцці, паведамляе Reuters.
Адстаўкі генпракурора запатрабаваў губернатар штата Эндру Куома праз лічаныя гадзіны пасля выхаду артыкула. «За апошнія некалькі гадзін сур'ёзныя абвінавачванні, якія я катэгарычна абвяргаю, былі вылучаны супраць мяне», — сказаў Шнайдэрман у сваёй заяве. «Хоць гэтыя сцвярджэнні не звязаны з маім прафесійнымі паводзінамі ці дзейнасцю офіса генпракурора, яны перашкодзяць мне ўзначаліць працу офіса ў гэты нялёгкі час. Таму я звальняюся», - патлумачыў ён.
У артыкуле, апублікаванай у The New Yorker у панядзелак, чатыры жанчыны распавядалі, што ў іх былі рамантычныя стасункі ці кантакты са Шнайдэрманам, падчас якіх яны падвяргаліся фізічнаму гвалту. У прыватнасці, дзве суразмоўніцы выдання сцвярджалі, што Шнайдэрман ім «неаднаразова наносіў удары, нярэдка ў стане алкагольнага ап'янення, часта ў ложку і кожны раз без згоды».
Цяпер чытаюць
«Кіберпартызанаў» крытыкуюць за ўзлом сайта Нацбібліятэкі — бо цяпер не працуе каталог. Тыя адказалі7
Каментары