Паліцэйскія затрымалі ўдзельнікаў несанкцыянаваных акцый у Казахстане, што выйшлі з патрабаваннем вызваліць палітвязняў.
У Астане і ў Алматы 10 мая дзясяткі людзей выйшлі на несанкцыянаваныя пратэсты ў падтрымку грамадзян, што пераследуюцца па палітычных матывах.
Дзясяткі людзей сабраліся ў Астане на вуліцы Касманаўтаў, побач з дыпламатычнымі прадстаўніцтвамі еўрапейскіх дзяржаў., Яны скандавалі: «Свабоду палітвязням!», «Бастандық!» («Свабоду!»), «Ганьба!»
У Алматы раніцай дзясяткі людзей прыйшлі на пешаходную вуліцу, прылеглую да тэатра оперы і балета. Яны трымалі ў руках плакаты з партрэтамі палітвязняў і заклікамі спыніць катаванні.
У абодвух гарадах акцыі суправаджаліся затрыманнямі. Некаторых з удзельнікаў акцый супрацоўнікі паліцыі заштурхалі ў службовыя аўтобусы. У Астане жанчына, якую вялі да аўтобуса разам з падлеткам (магчыма, яе сынам), крычала: «Ён жа маленькі, вы што! Яму ж 12 гадоў!»
У Алматы затрымана больш за 70 чалавек. Сярод тых, каго затрымалі на шматлюднай вуліцы, былі і выпадковыя мінакі, якія абураліся дзеяннямі паліцэйскіх.
***
Напярэдадні праваабаронцы паведамілі, што каля дзясятка грамадзянскіх актывістаў і шараговых грамадзянаў выкліканыя або падвергнутыя прыводу ў паліцыю напярэдадні акцый, арганізатарам якіх выступіў забаронены ў краіне рух «Дэмакратычны выбар Казахстана» (ДВК), заснаваны былым банкірам Мухтар Аблязавым — крытыкам казахстанскіх уладаў, што збег за мяжу. У сакавіку суд у Астане назваў ДВК экстрэмісцкай арганізацыяй.
Акцыі пратэсту, па словах удзельнікаў, прымеркаваны да прыбыцця ў Казахстан афіцыйнай місіі Еўрапарламента, што, як чакаецца, правядзе ацэнку выканання Астаной умоў Пагаднення аб партнёрстве і супрацоўніцтве паміж ЕС і Казахстанам. Адной з кантрольных пунктаў пагаднення з'яўляецца забеспячэнне захавання правоў чалавека і грамадзянскіх свабодаў у Казахстане.
Праваабаронцы нярэдка крытыкуюць прэзідэнта Нурсултана Назарбаева за падаўленне іншадумства, асноўных свабод і кажуць пра наяўнасць палітычных зняволеных у турмах. Улады Казахстана адмаўляюць падаўленне іншадумства і свабод і кажуць, што палітвязняў у краіне няма.
Цяпер чытаюць
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»31
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары