На апошнім званку ў «Мінск-Арэне» перад выпускнікамі выступіць Саладуха
У рэспубліканскім свяце апошняга званка, якое пройдзе 30 мая «Мінск-Арэне», прымуць удзел каля 11 тысяч чалавек, распавяла Ларыса Емяльянчык, кансультант галоўнага ўпраўлення выхаваўчай работы і маладзёжнай палітыкі Мінадукацыі.
Мяркуецца, што на свяце будуць прысутнічаць усе выпускнікі школ, ліцэяў, гімназій горада Мінска — іх каля 10 тысяч. Таксама 600 чалавек прыедзе з Мінскай вобласці, па 100 — з астатніх рэгіёнаў.
У 16.00 у «Мінск-Арэне» пачнецца культурна-забаўляльная праграма «Парк моладзевых культур». У 18.00 пачнецца ўрачыстая частка мерапрыемства, падчас якой будуць узнагароджаны пераможцы алімпіяд, спартыўных спаборніцтваў, творчых конкурсаў.
Затым — канцэрт.
Паводле інфармацыі TUT.BY, для выпускнікоў будуць спяваць Аляксандр Саладуха, Алёна Ланская, Саша Нема і іншыя беларускія выканаўцы.
Мяркуецца, што мерапрыемства скончыцца а 21-й. Развозіць выпускнікоў будуць дадатковыя аўтобусы.
Па падазрэнні ў забойстве цяжарнай мінчанкі затрымалі хакейнага суддзю Аляксея Гаўрылёнка6
Каментары