Імігрант з Малі стаў сапраўдным героем у Францыі, пасля таго як без страхоўкі ўскараскаўся па фасадзе дома ў Парыжы, каб выратаваць чатырохгадовага хлопчыка, які з апошніх сіл чапляўся за край балкона.
Відэазапіс цудоўнага выратавання імгненна разляцеўся па сацсетках.
Менш за хвіліну Мамуду Гасаму пайшло на тое, каб ўскараскацца на чацвёрты паверх будынка, падцягваючыся з аднаго балкона на іншы, і перахапіць хлопчыка з рук мужчыны, які спрабаваў утрымаць дзіця ад падзення, перагнуўшыся цераз балконную перагародку з суседняй кватэры.
Прэзідэнт Эманюэль Макрон запрасіў 22-гадовага Гасама ў панядзелак наведаць Елісейскі палац, каб асабіста выказаць яму падзяку ад імя ўсіх французаў.
Відэазапіс цудоўнага выратавання быў апублікаваны ў «Фэйсбуку» вечарам у суботу, з тых часоў яго ужо паглядзела амаль сем мільёнаў чалавек.
Мэр Парыжа Ан Ідальго таксама выказала сваё захапленне гераізмам малійца і распавяла, што асабіста падзякавала выратавальніку па тэлефоне.
Яна назвала яго «Чалавекам-павуком з 18-й акругі», маючы на ўвазе адміністрацыйны раён Парыжа, дзе разгарнулася драма са шчаслівым канцом.
Un grand bravo à Mamoudou Gassama pour son acte de bravoure qui a permis de sauver hier soir la vie d'un enfant. J'ai eu plaisir à m'entretenir avec lui aujourd'hui par téléphone, afin de le remercier chaleureusement. https://t.co/DP5vQ1VZYh
Паводле яе слоў, малады мужчына распавёў ёй, што некалькі месяцаў таму прыехаў у Францыю з Малі ў надзеі пачаць новае жыццё.
«Я адказала, што яго гераічны жэст стаў прыкладам для ўсіх грамадзян і што Парыж, безумоўна, з радасцю падтрымае яго імкненне ўладкавацца ў Францыі», — дадала мэр.
Гасама распавёў журналістам, што проста праходзіў міма, калі ўбачыў натоўп каля аднаго з дамоў людзей, якія глядзелі ўверх.
«Я зрабіў гэта, бо гэта было дзіця, — цытуе яго Le Parisien. — Я палез … Дзякуй богу, мне ўдалося яго выратаваць».
«Шчасце, што побач апынуўся чалавек, досыць падрыхтаваны фізічна, у якога хапіла мужнасці кінуцца на дапамогу дзіцяці», - сказаў агенцтву Франс прэс прадстаўнік пажарнай службы выратавання.
Па дадзеных мясцовых СМІ, бацькоў дзіцяці ў гэты час не было дома.
Бацьку дапытала паліцыя па падазрэнні ў грэбаванні сваімі бацькоўскімі абавязкамі. Маці хлопчыка, наколькі вядома, у суботу не было ў Парыжы.
«Мама, давай напішам заяву ў міліцыю, ён мяне ўжо дастаў». Маці школьніка з Брэста, які скончыў жыццё самагубствам, расказала пра цкаванне сына8
Каментары