Былы капітан зборнай Расіі па біятлоне Сяргей Ражкоў не будзе выступаць за зборную Беларусі.
Былы капітан зборнай Расіі па біятлоне Сяргей Ражкоў не будзе выступаць за зборную Беларусі.Пра гэта паведаміў прэзідэнт Саюза біятланістаў Расіі Аляксандр Ціханаў. Ён адзначыў, што СБР ні ў якім разе не выдасць дазвол на пераход Ражкова ў нашу зборную.
“Мы многа аддавалі спартоўцаў у іншыя краіны. Годзе, хай працуюць самі.Аддаваць спартоўцаў у іншыя краіны, калі да Алімпіяды засталося паўтара года, мы не жадаем і не будзем”, — заявіў Ціханаў у інтэрв’ю выданню “Ўвесь спорт”. Паводле яго слоў, расійскі бок не атрымліваў ніякіх запытаў наконт пераходу Сяргея Ражкова ў беларускую зборную.
Між тым, сам Ражкоў на старонках часопіса “Лыжны спорт”, назваў выказванне Ціханава лухтой, паколькі “асабіста паклаў заяву аб пераходзе на стол прэзідэнта СБР”. У той жа час дзяржаўны трэнер беларускай зборнай па біятлоне Аляксандр Бяляяў заявіў, што Беларусь накіроўвала запыт расійскаму Саюзу, аднак адказу на яго не атрымала.
Нагадаем, у пачатку мінулага сезона Ражкоў адмовіўся падпісаць дэкларацыю Саюза біятланістаў Расіі, што з'яўлялася працягам канфлікту паміж спартоўцамі нацыянальнай каманды і прэзідэнтам СБР Аляксандрам Ціханавым. У выніку біятланіста не ўзялі ў зборную. У адказ на гэта Ражкоў выказаў жаданне пераехаць у Беларусь.
Сілавікі ўзяліся за карыстальнікаў твітара — дзясяткі акаўнтаў звычайных беларусаў сталі «экстрэмісцкімі»10
Каментары