Жыхарка Вялікабрытаніі вынайшла футболку, якая дазволіла мацярам адчуваць менш дыскамфорту падчас кармлення грудзьмі ў грамадскіх месцах.
Да звычайнага топу 34-гадовая Ларэн Хампшыр з Кента прышыла замкі-невідзімкі на ўзроўні грудзей.
«Мая малодшая дачка адмаўлялася піць з бутэлечкі, таму ў мяне не было іншага выбару, акрамя кармлення грудзьмі. Я ніяк не магла знайсці зручнага для гэтага адзення і пашыла сваё ўласнае», — патлумачыла жанчына.
Паводле яе слоў, новая футболка стала настолькі зручнай, што Хампшыр вырашыла падзяліцца ідэяй з усімі мацярамі і запусціла ўласны бізнэс па вытворчасці падобных рэчаў. У выніку, яна адкрыла сваю вытворчасць пад назвай The Milky Tee Company. «Заказы ёсць з усяго свету: з Іспаніі, Дубая, Амерыкі і нават Аўстраліі», — распавяла яна.
Зараз Ларэн Хампшыр плануе разнастаіць асартымент джэмперамі і сукенкамі.
«Яму па начах сніліся людзі, якіх ён пасадзіў». Сталі вядомыя новыя дэталі апошніх дзён жыцця сына Ярмошынай15
Каментары