
У Наваполацку сацыяльная работніца скрала ў пенсіянеркі залатыя ўпрыгажэнні, паведамляе УУС Віцебскага аблвыканкама.
З заявай у міліцыю звярнулася 82-гадовая жанчына, у якой пры невядомых абставінах з лютага па май з кватэры зніклі шэсць залатых упрыгажэнняў. Праваахоўнікі высветлілі, што да гісторыі мае дачыненне сацыяльная работніца, якая наведвала пенсіянерку і бачыла, дзе тая захоўвае каштоўнасці.
Скрадзеныя кольцы жанчына 1991 года нараджэння потым па сваім пашпарце здавала ў ламбард, а за атрыманыя грошы разлічвалася па крэдытах.
Супраць яе распачата крымінальная справа па ч.1 арт.205 КК Беларусі.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць
Каментары