Супрацоўнікі аддзялення па барацьбе з эканамічнымі злачынствамі АУС высветлілі, што кухары са сталовай дзіцячага рэабілітацыйна-аздараўленчага цэнтра кралі прадукты.
На месцы здарэння былі затрыманыя два кухары, якія скралі 12 упаковак рыбы, сметанковае масла, мяса і фарш. Усе прадукты склалі ў пустую каструлю, якую, прыкрыўшы пакетамі, схавалі ў пустым кантэйнеры для бытавых адходаў. Агульная сума скрадзенага склала 180 рублёў.
У дачыненні да фігурантаў, якія ўчынілі крадзеж, складзеныя адміністрацыйныя пратаколы па ст.10.5 КаАП Беларусі (Дробны крадзеж маёмасцi шляхам крадзяжу, махлярства, злоўжывання службовымі паўнамоцтвамі, прысваення або растраты, а таксама замах на такi крадзеж). Санкцыі артыкула прадугледжваюць пакаранне ў выглядзе штрафу ў памеры ад дзесяці да трыццаці базавых велічынь або адміністрацыйны арышт.
Каментары