Ён атрымаў прэмію форуму, на якім у свой час зладзілі абструкцыю А.Лукашэнку.
Ён атрымаў прэмію форуму, на якім у свой час зладзілі абструкцыю А.Лукашэнку.
Як стала вядома «Нашай Ніве», Фундацыя Сусьветнага Форуму Кран-Мантана прысудзіла Аляксандру Мілінкевічу сваю штогадовую прэмію. Пра гэтае рашэньне А.Мілінкевічу паведаміў старшыня фундацыі Жан-Поль Картэрон.
Прэмія прысуджаецца за вялікія заслугі ў справе барацьбы за мір, свабоду і дэмакратыю. Яна ўручаецца з 1989 году, і сярод яе ляўрэатаў былі Ангела Мэркель, Ясір Арафат, Зоран Джынджыч, Віктар Чарнамырдзін, Юлія Цімашэнка, Хуан-Антоніё Самаранч і яшчэ некалькі дзясяткаў палітычных і грамадзкіх дзеячоў з самай рознай, трэба прызнаць, рэпутацыяй.
Пікантнасьць сытуацыі надае той факт, што Форум Кран-Мантана быў адзіным сусьветным бізнэс-форумам, на якім пабываў Аляксандар Лукашэнка. Гэта было ў 1998 годзе. Пра ўдзел А.Лукашэнкі было дамоўлена падчас візыту Ж.П.Картэрона ў Менск. Хоць напярэдадні форуму распачаўся скандал з высяленьнем заходніх дыпляматаў з Драздоў, паездка тым ня менш адбылася. Толькі скончылася яна скандалам. Калі ў часе дыскусіі адзін з францускіх удзельнікаў форуму назваў беларускага прэзыдэнта дыктатаром і прадказаў, што ён скончыць свае дні як усе дыктатары, А.Лукашэнка з словамі «От ваша хвалёная заходняя дэмакратыя» сарваў зь сябе слухаўкі і пакінуў залю паседжаньняў.
У той час на Захадзе і ў Беларусі гучалі галасы з асуджэньнем арганізатараў Форуму, што запрасілі ў Кран-Мантана прэзыдэнта краіны, якога ўжо тады на Захадзе называлі аўтакратам.
Сёлетняя цырымонія ўручэньня прэміяў адбудзецца ў рамках 17-й гадавой сэсіі Форуму Кран-Мантана ў Манака.
Як паведаміў «Нашай Ніве» памочнік А.Мілінкевіча Андрэй Кусяльчук, пакуль невядома, ці лідэр Дэмакратычных сілаў зможа прысутнічаць на цырымоніі ўручэньня прэміі асабіста. Ягоны графік на чэрвень зьбіты вельмі шчыльна.
Мікола Бугай
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?19
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары