Замежнікі змогуць знаходзіцца ў Беларусі 30 сутак, а не 5 сутак, як было раней. Гэта магчымасць па-ранейшаму дзейнічае, толькі калі яны прылятаюць у Мінск-2 і вылятаюць адтуль жа.
Павелічэнне тэрміну бязвізу да 30 дзён з'яўляецца нечаканым крокам, паколькі раней гаворка ішла пра павелічэнне тэрміну толькі да 10 дзён.
Чытайце таксама: Бязвіз для тых, хто прылятае ў мінскі аэрапорт, збіраюцца павялічыць да 10 дзён да канца года
Ад замежнікаў патрабуецца мець пры сабе прыблізна па $25 на кожны дзень знаходжання ў Беларусі, а таксама страхоўку.
Бязвізавая схема не працуе для тых, хто прылятае з Расіі ці збіраецца выязджаць праз Расію, бо гэтыя рэйсы з'яўляюцца ўнутранымі і ў пасажыраў не правяраюць пашпарты.
Праўда, тым, хто знаходзіцца ў Беларусі больш за пяць сутак, усё ж давядзецца зарэгістравацца ў міліцыі. Калі ж спыняцца ў гатэлях, адміністрацыя зробіць працэдуру сама.
Каментары