Больш за 70 вайсковых часцей і злучэнняў сфарміравалі на Заходняй вайсковай акрузе Расіі з 2016 года, паведаміў кіраўнік Мінабароны Расіі Сяргей Шайгу, паведамляе ТАСС.
«Становішча, якое складваецца на заходнім стратэгічным напрамку, патрабуе ад нас бесперапыннага ўдасканалення баявога складу войскаў і сістэмы іх базіравання», — сказаў Шайгу.
У сувязі з гэтым, паводле яго слоў, войскі атрымалі каля пяці тысяч адзінак новага і мадэрнізаванага ўзбраення і тэхнікі. Міністр абароны Расіі дадаў, што шматлікія праверкі паказалі «якасны рост узроўню падрыхтоўкі войскаў і пацвердзілі іх гатоўнасць да вырашэння задач па прызначэнні».
Асаблівая ўвага надаецца супрацоўніцтву з беларускімі вайскоўцамі, адзначыў Шайгу. Расійскія і беларускія вайскоўцы ўжо пачалі рыхтаваць сумесныя вучэнні «Шчыт Саюза — 2019».
Цяпер чытаюць
Зяленскі: Рэтранслятары на мяжы Беларусі прыпынілі працу69
Каментары